«Նախագահ Տեր-Պետրոսյանը կատարեց իր հերթական շախմատային քայլը»,- այսպես արձագանքեց ՀՀՇ վարչության անդամ Գևորգ Գևորգյանը` «Առաջին լրատվականի» հարցին, թե մինչև ապրիլի 28-ը իշխանությունները կգնա՞ն արդյոք երկխոսության, թե՞ այդ օրը ջրբաժան կլինի:
«Այս իշխանությունից խոհեմության, խոհեմ քայլերի միտումներ չեմ տեսնում: Բայց դա չի նշանակում, որ մեր պայքարը դուրս է գալու սահմանադրական ուղուց: Մենք պետք է շարունակենք պայքարել սահմանադրական ճանապարհով: Եվ եթե իշխանությունը չօգտվի ժողովրդի կողմից տրված վերջին հնարավորությունից, մենք ազատ կլինենք մեր հետագա քաղաքական գործողություններում»,- նշեց պարոն Գևորգյանը:
Վերջինս նաև ասաց, թե կոնկրետ քայլերը կորոշվեն հանրահավաքի օրը` ապիլի 28-ին, ժողովրդի կողմից:
«Մեր հանրահավաքներն այլևս վերածվել են հասարակական ֆորումի, որտեղ մենք ժողովրդի որոշմամբ մեր անելիքները կորոշենք»,- ասաց նա: