«Ընտանիքի եւ ամուսնություն» կենտրոնը, որքան էլ զարմանալի է, ունի 4 հազար միայնակ այցելու, ովքեր փնտրում են իրենց կյանքի կեսին: Կազմակերպությանը դիմում են 17-80 տարեկան քաղաքացիներ, ովքեր ապրելու եւ ապրեցնելու մեծ ցանկություն ունեն: Տրամադրվում են այցելուներ բոլոր լուսանկարները, իսկ յուրաքնչյուր եռամսյակում մոտավորապես 12 զույգ է կազմվում: Այսօր լրագրողների հետ հանդիպման ժամանակ տեղեկացրեց «Ընտանիք եւ ամուսնություն» կենտրոնի տնօրեն Նարե Մարտոյանը: Բացի անհատական հանդիպումերից՝ կենտրոնում նաեւ ծանոթությունների երեկույթներ են կազմակերպվում: Այս ամսի 14 –ին «Օլիմպիա» ռեստորանում հավաքույթ է լինելու: Սեռաբանի համար այս երեւույթը նորմալ է, որովհետեւ նախկինում էլ զույգերը միջնորդների միջոցով էին ծանոթանում: «Հայաստանում տղամարդիկ կան, ովքեր կոմպլեքավորված են եւ ամաչում են կնոջ հետ խոսելուց, սիրտը բացելուց, սեփական արժանիքները ներկայացնելուց: Նույն բարդույթներով տառապում են նաեւ կանայք: Սակայն այս կազմակերպությունը օգնում է, որ նման բարդույթները հաղթահարվեն»,- պարզաբանեց սեռաբան, հոգեթերապեւտ բ.գ.թ Մարատ Զաքարյանը: Ի դեպ, հյուրերը նշեցին, որ արտասահմանում հայ կանանց պահանջարկը մեծ է, քանի որ օտարազգի տղամարդիկ մեր հայ կանաց դերը բարձր են գնահատում, քանի որ տեսնում են նրանց նվիրվածությունը ընտանիքին: Իսկ հայ աղջիկները ավելի շահագրգռված են արտասահմանում ամուսնանալ: Իսկ կազմակերպությանը դիմում են սոցիալապես անապահով ու ապահով քաղաքացիները: Քիչ են նաեւ այն այցելու տղամարդիկ, որոնք ցանկանում են ապահոված կնոջ հետ ամուսնանալ եւ քիչ չեն այն կանայք, որոնք ապահոված տղամարդիկ են փնտրում:
