«Ես չեմ կարողանում այս պահին պատկերացնել, թե Կոնգրեսի ներսի ուժերն ինչպես են իրենց գաղափարախոսությունները բերելու ընդհանուր հայտարարի:Այս պահին հնարավոր չեմ համարում»,- «Առաջին լրատվական»-ի հետ զրույցում ասաց ՀԱԿ-ի մաս կազմող «Ժողովրդավարական ուղի» կուսակցության նախագահ Մանուել Գասպարյանը՝ անդրադառնալով ՀԱԿ առաջնորդ Լևոն Տեր-Պետրոսյանի հայտարարությանը, թե ժամանակն է, որ Կոնգրեսը դառնա կուսակցություն:
«Եթե այսօր քաղաքական դաշտը պահանջում է միավորում, ապա դա արվում է ընդդեմ այս իշխանությունների. միայն այդ խնդիրն է դրված մեր առջև, իսկ ես այսօր պայքար չեմ տեսնում հանուն ինչ-որ գաղափարախոսության. սա ընդհանուր պայքար է ինչ-որ անձերի միջև՝ ոչ միայն Կոնգրեսում, այլ նաև ամբողջ քաղաքական դաշտում»:
Մեր հարցին՝ ի՞նչ կանի «Ժողովրդավարական ուղի» կուսակցությունը, երբ Հայ ազգային կոնգրեսը դառնա կուսակցություն, Մ. Գասպարյանն ասաց. «Դեռ չեմ պատկերացնում, թե ինչ կլինի: Կան շատ կուսակցություններ, որոնք ունեն իրենց գաղափարները և չեն պատրաստվում հանուն մեկ ուրիշի գաղափարների դրանք զիջել: Ինձ համար հարմարվողականությանքաղաքականությունն այս պահին փոքր-ինչ անհասկանալի է, դեռ չգիտեմ՝ ինչ կանենք»,-ասաց Մանուել Գասպարյանը:
