Մոսկվայի տնտեսական դատարանը մարտի 18-ին նախնական լսումներ կանցկացնի ըստ Միջպետական բանկի՝ Rhinoville Property Limited-ի դեմ հայցի: Վերջինս հայկական «Նաիրիտի» սեփականատերն է, որը նախկին ԽՍՀՄ-ի տարածքում միակ սինթետիկ կաուչուկ արտադրողն էր: Միջպետական բանկը Rhinoville Property Limited-ից 25,183 միլիոն դոլար է պահանջում. 16,764 միլիոն դոլար՝ վարկի և 8,419 միլիոն դոլար՝ անկայունության համար։ Այս մասին գրում է Новости-Армения-ն՝ հղում կատարելով դատարանի ներկայացուցչին:
Ինչպես տեղեկացնում են ԶԼՄ-ները, 2006 թ. բանկը Rhinoville Property Limited ընկերության համար 70 միլիոն դոլարի վարկային գիծ է բացել: «Նաիրտ» ընկերությունը թողարկել է ացետիլինի հիմքի վրա արտադրանքներ, քլորոպրեն, կարբոնաթթու, կաուստիկ սոդա, նատրիումի գիպոքլորիդ: 1989 թ. «Նաիրիտը» բնապահպանական նկատառումներով փակվել է: Ըներության աշխատանքները մասամբ վերականգնվել են 1992-1993 թթ.:
2006 թ. ընկերության բաժնետոմսերի 90 %-ը 40 միլիոն դոլարով վաճառվել է բրիտանական Rhinoville Property Limited-ին, իսկ 10 %-ը պատկանում է Հայաստանի կառավարությանը: 2010 թ. ապրիլին գործարանում արտադրությունը դադարեցվել է, սակայն մինչ այդ ամբողջ արտադրանքն իրացվել է արտասահմանում՝ ԵՄ-ում, Ռուսաստանում, ԱՄՆ-ում և 20 այլ երկրներում:
Միջպետական բանկը հիմնադրվել է 1993 թ.՝ տասը պետությունների կողմից՝ Հայաստան, Բելառուս, Ղազախստան, Ղրղզստան, Մոլդովա, Ռուսաստան, Տաջիկստան, Թուրքմենստան, Ուզբեկստան և Ուկրաինա: Բանկը ներկայացուցչություններ ունի Հայաստանում, Բելառուսում և Ղրղզստանում:
Միջպետական բանկի կառավարման գերագույն մարմինը Բանկի խորհուրդն է, որը բաղկացած է կենտրոնական բանկերի կառավարիչներից, ֆինանսների նախարարությունների ներկայացուցիչներից և պետական կառավարական մարմինների այլ ներկայացուցիչներից: 2011 թ. մայիսից Միջպետական բանկի նախագահ է հանդիսանում ՌԴ ԿԲ նախագահ Սերգեյ Իգնատևը:
