ԽՍՀՄ-ի փլուզման և ԱՊՀ-ի ստեղծման Բելովեժյան համաձայնագիրն անհետացել է: ԱՊՀ-ի գործադիր կոմիտեից, որտեղ այն պետք է պահպանվեր, տեղեկացրել են, որ իրենց մոտ միայն պատճենն է:
Բելառուսի Սահմանադրական դատարանի նախկին նախագահ Վալերի Տիխինյան ասել է, որ, հնարավոր է, այն պահպանվում է Բելառուսի կառավարության արխիվներում: Սակայն նա չի բացառել, որ այն, որպես պատմական արժեք ներկայացնող փաստաթուղթ հայտնված լինել այդ փաստաթուղթը պատրաստած անձանցից մեկի ձեռքերում:
Մինչդեռ “Комсомольская правда в Беларуси”-ն գրում է, որ Բելառուսի նախկին ղեկավար Ստանիսլավ Շուշկևչը տեղեկացրել է, որ փաստաթղթի բնօրինակը վերջին անգամ տեսել է 1991թ-ին այն ստորագրելիս:
Համաձայնագրի տեքստում ասվում է, որ այն ստորագրվել է երեք օրինակով (ռուսերեն, բելառուսերեն և ուկրաիներեն) և որ դրանք բոլորը նույն ուժն ունեն: Լրագրողները, սակայն, փաստաթուղթը ստորագրած անձանցից պարզել են, որ ստորագրվել է միայն ռուսերեն օրինակը:
