Միջազգային հաղորդակցություններում «Հարավկովկասյան երկաթուղի» ՓԲԸ կողմից իրականացվող բեռնափոխադրման վճարը հաշվարկվելու է ԱՄՆ դոլարին համարժեք ՀՀ դրամի փոխանակման միջին փոխարժեքով, ձևավորվում է արտարժույթի շուկայում բեռը փոխադրման ներկայացնելու օրը` համաձայն երկաթգծի կայարանից մեկնման օրացուցային դրոշմանիշի: Այս մասին ասվում է «Տրանսպորտի և կապի» նախարարության այսօր տարածած հաղորդագրությունում:
ԱՄՆ դոլարի փոխանակման միջին փոխարժեքը ձևավորվում է արտարժույթի շուկայում, որը սահմանվում է ՀՀ ԿԲ կողմից, իսկ 2011 թվականի ապրիլի 1-ից մինչև 2011 թվականի հունիսի 30-ը ներառյալ փոխադրավարձի սակագները և գործող կարգով կիրառվող շտկիչ գործակիցները, ինչպես նաև կայարանային ծառայությունների դիմաց 2011 թվականի 2-րդ եռամսյակում գանձվելիք վճարները, մնում են 1-ին եռամսյակի մակարդակին:
Լաստանավային փոխադրումների բնագավառում կկիրառվեն աղյուսակում նշված փոփոխությունները: Աղյուսակից երևում է, որ Բաթումի հետ կապված փոխադրումների հավելավճարները 2011 թ. երկրորդ եռամսյակում, առաջին եռամսյակի համեմատ, աճել են ավելի քան 14%-ով: Հավելավճարների գների աճը բացատրվում է վառելիքի գների թանկացմամբ:
