Ձանձրույթը միշտ էլ ստեղծագործական մտածողություն է ծնում։ Նինա Խաչատուրյանն օգտագործում է օդում թռիչքի երկար ժամերը՝ ֆոտոստեղծագործություններ ստանալու համար։ Նրան ոգեշնչել են օդանավից բացվող տեսարանները, գրում է Wall Street Journal-ը։
2010 թվականին Ատլանտա թռիչքի ժամանակ նա որոշեց կոտրել ձանձրույթն ու տևական ժամերը ծառայեցնել որևէ հետաքրքիր գաղափարի։ Նա iPhone-ով սկսել է Seat Assignment անվանումով շարունակական ֆոտոշարքեր անել։ Մասնավորապես, նա հավաքում է սենդվիչների մնացորդներն ու տեղավորում բնության պատկերների վրա այնպես, որ կարծես աղետ պատուհասած լինի գեղեցիկ լանդշաֆտներին։ Նա օգտագործում է նաև զուգարանի թղթեր և անձեռոցիկներ՝ իրեն վերածելով 17-րդ դարի հոլանդական կտավների հերոսուհիների, որոնց անմահացնում է սելֆիներով։
Նա արվեստի գործիչ, Նյու Յորքի համալսարանի Գելաթինի դպրոցի դասախոս է։
Նինան նոր աշխատանքներ ստեղծելու համար բավականին ժամանակ կունենա առաջիկա ամիսներին, երբ ժամանի Իտալիա՝ մասնակցելու Վենետիկյան բիենալեի հայկական տաղավարին և երբ ուղևորվի Տեխաս, որտեղ ծրագրում է 2016-ի աշնանը բացել սոլո ցուցահանդես։
Պատրաստեց՝ Աննա Անտոնյանը
