Այս տարվա դեկտեմբերին ռուս միլիարդատեր Վլադիսլավ Դորոնինը եւ բրիտանացի մոդել Նաոմի Քեմբլը կամուսնանան, իսկ հարսանեկան հանդեսը տեղի է ունենալու Եգիպտոսում` Ամոն արեւի աստծու տաճարում: Ասում են, որ Դորոնինն ինքն է հատուկ ընտրել այդ վայրը, քանի որ իր եւ սեւամորթ գեղեցկուհու ամուսնությունն այլ ավելի հարմար վայրում չէր կարող լիներ:
Սակայն այս լուրը փոխանցած IndependentNews-ը նաեւ նշում է, որ սա կարող է լինել եգիպտական ԶԼՄ-ների ապատեղեկատվություն եւ սովորական գովազդային հնարք: Բայց միաժամանակ հայտնվում է, որ այս լուրի պաշտոնական հերքում չի եղել: Այդ պատճառով եգիպտական Լուքսորը պատրաստվում է զբոսաշրջիկների մեծ հոսքի: Եգիպտական Ալ-Ահրամ թերթն էլ իր հերթին նշում է, որ արդեն հրավիրվել են մի քանի հարյուր հայտնի հյուրեր, այդ թվում` հոլիվուդյան աստղեր: Իսկ նորապսակները մեղրամիսը կանցկացնեն Old Winter Palace հայտնի հյուրանոցում:
