«Եթե հսկայական աճ էլ արձանագրվեր, դա դեռ ոչինչ չէր նշանակի, քանի որ մենք շատ խոր անկում ենք ունեցել»,- այսօր ասաց ԱԺ տնտեսական հարցերի մշտական հանձնաժողովի փոխնախագահ Վարդան Բոստանջյանը` խոսելով 2011թ. հունվար-փետրվար ամսիների հիմնական մակրոտնտեսական ցուցանիշների մասին:
Նա նշեց, սակայն, որ արձանագրված աճերն էլ բավական համեստ են` տնտեսական ակտիվության ցուցանիշի 1.4% աճ, արդյունաբերության 2.6% աճ, գյուղատնտեսության 0.1% աճ, շինարարության անկում և այլն:
«Մենք ունենք գործունեության համապատասխան շրջանակներ, այդ շրջանակները շատ լավ ցույց են տալիս, թե մենք գյուղատնտեսությունում, արդյունաբերությունում, արդյունաբերության առանձին ճյուղերում ինչ հաջողություններ ունենք: Կայուն հիմքերին պետք է նայել: Ցուցանիշային թեթև փոփոխությունները դեռևս ոչինչ չեն կարող նշանակել»,- ասաց տնտեսագետը:
