Միացյալ Նահանգների նախագահ Բարաք Օբաման և Աֆղանստանի նախագահ Համիդ Քարզայը համատեղ դատապարտել են ամերիկացի հոգևորականի կողմից Ղուրանի այրումը: Նրանք նաև դատապարտել են Աֆաղանստանում Միացյալ ազգերի կազմակերպության ներկայացուցչությունների վրա կատարված հարձակումները: Բարաք Օբաման և Համիդ Քարզայն այս հայտարարություններն արել են` մասնակցելով հեռուստակոնֆերանսի: Այս մասին հաղորդում է Associated Press գործակալությունը:
Հիշեցնենք, որ մարտի 11-ին ԱՄՆ Ֆլորիդա նահանգից հոգևորական Թերի Ջոնսը հրապարակայնորեն այրել էր Ղուրանը, որից հետո մի շարք երկրներում սկսվել էին բողոքի ակցիաներ: Դրանք առավել կատաղի էին Աֆղանստանում, որտեղ տեղի ունեցան հարձակումներ ՄԱԿ-ի գրասենյակների վրա։ Դրա հետևանքով ՄԱԿ մի քանի աշխատակիցներ սպանվեցին, նրանցից երկուսը գլխատվել էին: Ջոնսն չի ընդունել իր մեղքը այս բախումները հրահրելու համար: Ավելին, նա պատրաստվում է առաջիկայում բողոքի ակցիա անցկացնել ԱՄՆ ամենամեծ մզկիթի մոտ: