Եգիպտոսի Սուեզ, ՊորտՍաիդ և Իսմայիլիա քաղաքներում հազարավոր ցուցարարներկրկին փողոցներ ենդուրս եկել, չնայած արտակարգ դրության ռեժիմին, որը երեկ սահմանել է նախագահ Մուհամմադ Մուրսին: Այս մասին հայտնում է BBC-ն:
Կահիրեում շարունակվում են բախումները Մուրսիի հակառակորդների և կողմնակիցների միջև: Ընդդիմադիր ուժերը հրաժարվում են իշխանության հետ երկխոսությունից:
Անցած շաբաթավերջին, երբ հրապարակվեց2012 թվականին ֆուտբոլային մարզադաշտում տեղի ունեցած ծեծկռտուքի գործով անցնող 21 ամբաստանյալների նկատմամբ սահմանված մահապատժի դատավճիռը, երկրում բողոքի ալիք բարձրացավ: Դատավճռի հրապարակումից հետո մինչ օրս Կահիրեում և Պորտ Սաիդում անկարգությունների հետևանքով զոհվել է ավելի քան 50 մարդ:
Արտակարգ դրության ռեժիմը 3 քաղաքներում կգործի 30 օր:
Բացի այդ, Եգիպտոսի խորհրդարանի վերին պալատում հավանության է արժանացել այն օրինագիծը, որը զինվորականներին թույլ է տալիս ձերբակալել անկարգություններ հրահրողներին:
