Սիրիայի նախագահ Բաշար Ասադի դեմ մարտնչող գրոհայինները լիովին կրել են Հալեպը մատակարարման համակարգից: Այս մասին հայտնում է RIA Novosti-ն՝ հղում անելով Սիրիայի փոխվարչապետ Կադրի Ջամիլին:
«Զինված խմբավորումները փակել են մուտքը դեպի Հալեպ: Չենք կարողանում քաղաք մատակարարել մթերք և գազ»,-ասել է Ջամիլն ու հավելել, որ գրոհայինները նույնիսկ ահաբեկչական գործողություններով դադարեցրել են էլեկտրաբաշխումը: «Բնակչությունը շատ դժվար պայմաններում է ապրում՝ շրջափակման պայմաններում:Հալեպում կենսապայմանները ինձ հիշեցնում են շրջափակված Լենինգրադի կյանքը»,-ասել է փոխվարչապետը:
Փոխվարչապետի խոսքով՝ քաղաքի բնակիչների մեծ մասը հավատարիմ են ռեժիմին: Նրա տվյալներով, այսօր Հալեպում 4 մլն մարդ է բնակվում:
