Ռուսական և միջազգային խոշորագույն բանկերի տնտեսագետները սպասում են, որ Ռուսաստանում 2015 թ. առաջին եռամսյակում ինֆլյացիան կաճի մինչև 14,9%: Այսպիսին են Reuters գործակալության կատարած հարցման արդյունքները: Հետո գների աճի տեմպերը պետք է նվազեն մինչև 6%: Թույլ ռուբլին և բարձր ինֆլյացիան լրջորեն կնվազեցնեն սպառումն ու ներդրումները:
Կոնսենսուս-կանխատեսման արդյունքները լուսաբանվում են «Ռոսստատի» տեղեկությամբ: Վիճակագրական տվյալների համաձայն՝ հունվարի 20-26-ը ինֆլյացիան կազմել է 0,6%, իսկ տարեկան կտրվածքով մինչև հունվարի 26-ը բարձրացել է մինչև 13,1%-ի՝ սննդամթերքների գնաճի ֆոնին:
Ըստ նոր կոնսենսուս-կանխատեսման՝ որպես հետևանք՝ ռուսական տնտեսությանը 4,2%-ի անկում է սպառնում: Փորձագետները կանխատեսում են նաև իրական աշխատավարձերի կրճատում 5,8%-ով: Բացի դրանից՝ կանխատեսվում է, որ մանրածախ ապրանքաշրջանառությունը տարվա արդյունքներով կնվազի 5%-ով: