«Բարսելոնա»-ի պաշտպան Խերարդ Պիկեն հայտարարել է, որ գոհ է թիմի` վերջին հանդիպումներում ցուցադրած խաղից: Իսպանիայի հավաքականի ֆուտբոլիստի կարծիքով` Լուիս Էնրիկեի սաները կարող են մեծ հաջողությունների հասնել ընթացիկ մրցաշրջանում:
«Վերջին հանդիպումներում մենք հիանալի խաղ ցուցադրեցինք: Դա նպաստում է, որպեսզի բոլորս մեծ հույսեր ունենանք, որ հաջողությունների կհասնենք: Մենք հավատում ենք մեր ուժերին: Կարծում եմ` հնարավորություն ունենք էական հաջողությունների հասնել ընթացիկ մրցաշրջանում: Պարզապես պետք է շարունակենք նմանապես խաղալ: Կփորձենք միշտ հաղթել և ճնշում գործադրել «Ռեալ»-ի նկատմամբ»,- Marca-ն մեջբերում է Պիկեի խոսքերը:
Հիշեցնենք` Իսպանիայի առաջնության 21-րդ տուրից հետո մրցաշարային աղյուսակը 54 միավորով գլխավորում է «Ռեալ»-ը: Երկրորդ տեղը զբաղեցնող «Բարսելոնա»-ն իր ակտիվում ունի 50 միավոր:
