WikiLeaks-ի սկանդալային հիմնադիր Ջուլիան Ասանջը հայտարարել է, որ հնարավոր է` մոտակա ժամանակ տեղափոխվի Շվեյցարիա եւ ապաստան խնդրի այնտեղ: Այս մասին Ասանջը հայտարարել է շվեյցարական հեռուստաալիքներից մեկին տված հարցազրույցում:
Նա նաեւ տարակուսանք է հայտնել այն կապակցությամբ, որ իր հրապարակած փաստաթղթերից հետո լուրջ քննություն չսկսվեց, քանի որ բազմաթիվ տվյալներ էին ներկայացվել տարբեր երկրներում մարդու իրավունքների խախտման վերաբերյալ:
Նա նաեւ ավելացրել է, որ մինչեւ տարեվերջ կհրապարակվի մոտ 4 հազար նոր փաստաթուղթ, որոնք վերաբերելու են տարբեր երկների, այդ թվում` Ռուսաստանին եւ Լիբիային: