Մելբուրնում ավարտվեց նաև Ավստրալիայի 2015թ. բաց առաջնության տղամարդկանց մենապայքարը:
Եզրափակչում հանդիպել էին աշխարհի առաջին ռակետ Նովակ Ջոկովիչն ու Մեծ Բրիտանիան ներկայացնող Էնդի Մարեյը: Առաջին երկու սեթերն անցան անզիջում պայքարում` հասնելով մինչև թայ բրեյք: Առաջին սեթում հաղթեց Ջոկովիչը (7:6), երկրորդում` Մարեյը (6:7):
Երրորդ սեթում Մարեյը շատ հաջող մեկնարկեց, իսկ Ջոկովիչը կաղում էր: Նա ցավեր էր զգում ձախ ծնկի հատվածում: 2:2 հաշվի ժամանակ բրիտանացին իր հարվածի վճռորոշ պահին կրկնակի սխալ թույլ տվեց, իսկ Ջոկովիչի ակտիվում գրանցվեց բրեք փոինթ: Ջոկովիչն անմիջապես կերպարանափոխվեց, սկսեց գործել ավելի զգոն ու երրորդ սեթն ավարտեց հաղթանակով` 6:3:
4-րդ սեթը, որը կարող էր վճռորոշ լինել, մեկնարկեց Ջոկովիչի փրեք փոինթով: Սերբ թենիսիստը 4-րդ սեթում ուղղակի ջախջախեց մրցակցին: 3:0 հաշվի ժամանակ ակնհայտ էր, որ Մարեյը հանձնվել է: Նովակը 4-րդ սեթն ավարտեց 6:0 հաշվով:
Նովակ Ջոկովիչ – Էնդի Մարեյ` 7:6, 6:7, 6:3, 6:0
