Վենետիկյան դիմակահանդեսն Իտալիայի ամենամեծ իրադարձություններից է և աշխարհում ամենահայտնի դիմակահանդեսներից մեկը: Այն մոլորակի ամենահին դիմակահանդեսն է և ամեն տարի անցկացվում է Վենետիկում՝ գրում է Calend-ը:
Վենետիկյան դիմակահանդեսը տևում է 2 շաբաթ: Դրա բացման ամսաթիվը կախված է կաթոլիկների Մեծ պահքի սկզբից և ավարտվում է Մեծ պահքի առաջին շաբաթվա չորեքշաբթի օրը:
Դիմակահանդեսն ունի բազմադարյա պատմություն, որի առաջին փաստացի հիշատակումները եղել են դեռևս 1094-ին, սակայն դրա արմատները հասնում են անտիկ դարաշրջան: Սատուրն աստծո պատվին նշվող տոնն անցկացվում է բերքահավաքից հետո և ուղեկցվում զանգվածային զբոսանքներով: Ընդ որում, տոնի ժամանակ ստրուկներին ևս թույլ էր տրվում տերերի հետ հավասար նստել մեկ սեղանի շուրջ, սակայն որպեսզի դասային նախապաշարմունքները չփչացնեին տոնը, բոլորն իրենց դեմքը քողարկում էին դիմակով:
