2011 թ. ապրիլի 3-ին Գլենդելի հանրային գրադարանում տեղի ունեցավ հանդիպում Հայ Ազգային Կոնգրեսի կենտրոնական գրասենյակի ներկայացուցիչ Արման Գրիգորյանի հետ:
Արման Գրիգորյանը հանդիպման մասնակիցներին ներկայացրեց Հայ Ազգային Կոնգրեսի ամերիկյան գրասենյակի ներկայացուցիչներ Կարինե Աֆրիկյանին, Լևոն Բաբասյանին և Կարո Կարապետյանին: Այնուհետև, Ա. Գրիգորյանն անդրադարձավ արդի փուլում Հայ ազգային կոնգրեսի խնդիրներին և հետագա անելիքներին: Հանդիպման ընթացքում պրն. Գրիգորյանը նաև պատասխանեց ներկաների առաջադրած բազմաթիվ հարցերին:
Հանդիպման վերջում ներկաները միացան Հայ ազգային կոնգրեսի ամերիկյան գրասենյակի առաջարկին` կոչով դիմելու սփյուռքում բնակվող հայերին հետևողական մասնակցություն ցուցաբերելու ՀՀ քաղաքացիների ազատությունների և իրավունքների պաշտպանությանն ուղղված համաժողովրդական շարժմանը, զանգահարելու Երևանում և Հայաստանում բնակվող իրենց բարեկամներին, հարազատներին, ընկերներին և ծանոթներին` քաջալերելու նրանց մասնակցելու 2011 թ. ապրիլի 8-ին Երևանի Մատենադարանին կից հրապարակում անցկացվելիք հանրահավաքին և երթին:
