Երեկ Մոսկվայի «Նեոլիթ» սրճարանում Ռուսաստանի ՆԳՆ աշխատակիցները խափանել են ադրբեջանցի 54-րդ «օրենքով գող» Յունուս Նազարովին «պատվելը», որը քրեական միջավայրում ավելի շատ հայտնի է Յասմալցի Յունուս անվամբ: Յունուսի մոտ 150 զինակիցներ հավաքվել էին նրա տարեդարձը նշելու, որը նա տոնում էր երկու օր շուտ, գրում է Prime Crime-ը:
Բացի 2003-ի մայիսին Դերժինսկում միգրացիոն ռեժիմի խախտումից` որևէ բանով ռուս իրավապահների տեսադաշտում Յունուս Նազարովը չի հայտնվել: Սակայն ներկա դրությամբ նա ադրբեջանցի ամենափորձառու և հայտնի «օրենքով գողերից է»: Օպերատիվ տվյալներով` նա ավելի 30 տարվա գողական ստաժ ունի, ինչը հազվադեպ երևույթ է ներկայիս գողերի համար: Գաղափարապես Յունուսը հարում է Դեդ Հասանի կլանին, ինչն էլ բացատրում է նրա` Մոսկվայում հայտնվելը:
Նախկինում 20 տարի ազատազրկված Ադրբեջանի քաղաքացուն մեղադրել են Ռուսաստանի տարածքում ապօրինի գտնվելու մեջ, և նա շուտով հայրենիք կարտաքսվի:
