Արագ սննդի Burger King ռեստորանների ցանցը հրաժարվել է իռլանդական ABP Food Group ընկերության ծառայություններից, որը ձիու մսի հետ կապված սկանդալի կենտրոնում է հայտնվել,- հայտնում է BBC-ի ռուսական ծառայությունը:
ABP Food Group-ի պնդմամբ՝ Burger King-ի սննդի մեջ ձիու միս չի եղել, բայց արագ սննդի ցանցն այս որոշումը նախազգուշական միջոցառում է համարում:
Ձիու ԴՆԹ-ն անցյալ շաբաթ հայտնաբերվել է Մեծ Բրիտանիայի և Իռլանդիայի սուպերմարկետներում վաճառվող տավարի մսի բուրգերներում։ ABP Food Group-ի դուստր ընկերությունում, որտեղից եկել է այդ բուրգերների միսը, ձիու միս ընդհանրապես չեն վերամշակում:
