«Այսօր մեր ՋՕՅԵՐ-ը կորցնում են ներցանցային ջրերի 40 տոկոսը, իսկ մայր ջրանցքով՝ 70 տոկոսը: Վերջին շրջանում մայր ջրանցքները բետոնապատվել են, ինչի շնորհիվ կորուստները քչանում են, բայց ոչ բավարար չափով: «Մոտ 1000 կմ ներցանցային ջրամբար բետոնապատել ենք, բայց դա 17 հազար կմ-ի համեմատ քիչ է: 1,5 միլիարդ դոլար է անհրաժեշտ, որ ամբողջ համակարգը վերանորոգվի»,- հրավիրված ասուլիսի ընթացքում ասաց Հայաստանի տարածքային կառավարման նախարարության ջրային տնտեսության պետական կոմիտեի ԾԻԳ-ի տնօրեն Ադիբեկ Ղազարյանը։
Ա. Ղազարյանը նշեց, որ եթե այլ հիմնարկների աշխատողները 150 հազար դրամի հասնող միջին աշխատավարձ են ստանում, ապա ՋՕՅԵՐ-ի աշխատողներինը 40 հազար դրամ է, հետևաբար որոշակի խնդիրների լուծման դեպքում իրենք կկարողանան աշխատողների աշխատավարձը բարձրացնել: