Հայերի չօգտագործած ջուրը թուրքերին է հալալ լինում

Թեև մեր այսօրվա ոռոգման համակարգը 23 տարվա ժառանգություն է, բայց մշտապես վերանորգման աշխատանքեր են տարվում, հետևաբար ջրամատակարման խոչընդոտներh աստիճանբար վերացվում են,- այսօր հրավիրված մամուլի ասուլիսի ընթացքում հայտարարեց Հայաստանի տարածքային կառավարման նախարարության ջրային տնտեսության պետական կոմիտեի ԾԻԳ-ի տնօրեն Ադիբեկ Ջալարյանը:
Նա ասաց, որ Արարատյան դաշտավայրում ջուր մատակարարելու խնդիր չունեն, քանի որ 6 մայր ջրամբարներն էլ վերանորգված են, նաև նշեց, որ սուտ են այն դժգոհությունները, թե ջուրը ժամանակին չի մատակարարվում կամ մատակարարվում է քիչ քանակությամբ: «Այսօր հանրապետության 44 տարածքներում գործում է ՋՕՅԵՐ-ի 44 բաժանմունք, և սպասարկվում են 220 հազար ֆերմերներ: Արդեն գարնան ամենաթեժ ժամանակն է, և ջրամատակարարման համար բոլոր նախապատրաստական աշխատանքներն իրականացվել են»,- ավելացրեց Ադիբեկ Ջալարյանը: Ինչպես նաև նշեց, որ 2004 թվից մինչ օրս ՀՀ գյուղացիները 6 միլիարդ դրամի կուտակված պարտք ունեն:
Հարկ է նկատել, որ այսօր գյուղացու համար ոչ թե ջրի, այլ գումարի խնդիրն է առաջնային:
Ի դեպ, լրագրողների այն հարցին ի պատասխան, թե ինչո՞ւ ՋՕՅԵՐ-ը թույլ չեն տալիս օգտվել Արաքսի ջրից, և այն բաժին է հասնում թուրքերին, Ադիբեկ Ջալարյանը ասաց, որ Արմավիրի մարզպետը կիրակի օրը հրահանգել է ջուրը բաց թողնել, բայց մինչ օրս ոչ մի գյուղացի չի օգտվել այդ ջրերից: «Իսկ պատճառը այն է, որ հիմա հողը խոնավ է: Ցանկանում եմ ասել, որ գյուղացին էլ գիտի, թե երբ է իրեն այդ ջուրը պետք, երբ՝ ոչ: Հետևաբար, հիմա ջուրը բաժին է հասնում Թուրքիային»,- նկատեց Ադիբեկ Ջալարյան: