Երեկ երեկոյան մեկնարկել է «ԱՐՄՄՈՆՈ» մոնոներկայացումների միջազգային 9-րդ թատերական փառատոնը: Փառատոնը բացվել է Երևանի պատանի հանդիսատեսի թատրոնում` Ֆիլիպ Հոխմեյրի (Գերմանիա) «Վերթեր» մոնոներկայացմամբ:
Այս տարի փառատոնը տևելու է մինչև ապրիլի 8-ը, ցուցադրվելու է 17 ներկայացում` Ռուսաստանից, Ֆրանսիայից, Գերմանիայից, Իսրայելից, Լիտվայից և Եգիպտոսից հրավիրված դերասանների մասնակցությամբ: Ի դեպ, իսրայելցի և եգիպտացի դերասաններն «ԱՐՄՄՈՆՈ»-ի շրջանակներում այս տարի հանդես կգան առաջին անգամ:
Այսօր ցուցադրվելու են հետևյալ ներկայացումները0. ժամը 15:00–ին թատերական գործիչների միությունում Նարեկ Ներսիսյանի կատարմամբ «Լյուսիեն Լյուկ»-ը, ժամը 18:00–ին Սունդուկյանի անվան ազգային ակադեմիական թատրոնում Գրետա Մեջլումյանի «Ծառերը», Մոսկվայի տանը ժամը 19:30-ին Յուրի Կրասկովի «Լսելով հեռուն» (Մոսկվայի Ե. Վախթանգովի անվան թատրոն,Ռուսաստան):
Փառատոնի հիմնադիրն է Հայաստանի թատերական գործիչների միության նախագահ Հակոբ Ղազանչյանը:
