Ենթադրենք իշխանությունների ներկայացրած կենսաթոշակային բարեփոխումների մոդելը լավագույնն է:
Իսկ կենսաթոշակային նոր համակարգը իրենից հենց համակարգ է ներկայացնում, այն ԱԱՀ-ի կամ բյուջեի մասին իրավական ակտ չէ, որ տարին մեկ կարելի լինի փոխել:
20-25 տարեկան երիտասարդը, որը 2014թ.-ից պարտադրված կուտակելու է իր կենսաթոշակը, պետք է վստահ լինի, որ 40 տարի հետո գործելու է հենց այն համակարգը, որը որ գործում է այդ պահին: Միայն այդ դեպքում է, որ իշխանության առաջարկած նոր համակարգի ներդրումը իմաստ կունենա: Այսինքն` գործող իշխանությունը այնպիսի կենսաթոշակային համակարգ պետք է ներդնի, որ այն առանց էական փոփոխությունների գործի տասնյակ տարիներ: Բայց եթե Հայաստանի ողջ ընդդիմադիր դաշտը այսօր դեմ է այդ համակարգին, ապա որտեղի՞ց գործող իշխանություններին այդքան վստահություն, որ իրենք մի 40 տարի եւս կմնան իշխանության գլուխ: Այս հարցը ,Ժամանակե-ը երեկ տվեց ՀՀ աշխատանքի եւ սոցիալական հարցերի փոխնախարար Արտեմ Ասատրյանին եւ ԱԺ սոցիալական հարցերի մշտական հանձնաժողովի նախագահ Հակոբ Հակոբյանին:
,Կենսաթոշակային բարեփոխումների իրականացման ժամանակ ցանկացած երկրում միանշանակ կարեւորվում է այդ հարցի վերաբերյալ քաղաքական կոնսենսուսը: Դա աքսիոմա է: Փաթեթը ԱԺ-ում քննարկվել է, եւ Ձեր նշած ընդդիմադիր ուժերը մասնակցել են քննարկումներին, ունեն առաջարկություններ, որոնք հիմա քննարկվում են այս երկրորդ ընթերցման համար: Նաեւ առանձին լսումներ են կազմակերպվել: Դրա շրջանակներում 100%-անոց արդյունք արձանագրել, որ բոլորը բոլորին կհամոզեն, կարծում եմ` անհնարին է, բայց կոնցեպտուալ առումով, որ մենք, այո՛, պետք է այս մոդելը ներդնենք, դա պիտի իրականացնելե, – պատասխանեց Ա.Ասատրյանը: Իսկ Հ.Հակոբյանն էլ այն կարծիքին է, թե ՀԱԿ-ի ներկայացրած եւ կառավարության տարբերակների միջեւ տարբերություն չկա: ,Դուք ՀԱԿ-ի ներկայացրած տարբերակը կարդացե՞լ եք, կառավարության ներկայացրածը կարդացե՞լ եք, եւ ի՞նչ տարբերությունե, – հակադարձ հարց ուղղեց Հ.Հակոբյանը:
Պետք է նշել, իհարկե, որ ինչպես ՀԱԿ-ի առաջարկած, այնպես էլ կառավարության առաջարկած կենսաթոշակային բարեփոխումների տարբերակները ենթադրում են կուտակային համակարգի ներդրում: ՀՅԴ-ն, օրինակ, դեմ է հենց կուտակային համակարգին եւ դրանով էլ ՀՅԴ մոտեցումը տարբերվում է ՀԱԿ-ի մոտեցումից: Բայց որ իրականում ՀԱԿ-ի առաջարկածը էականորեն տարբերվում է կառավարության տարբերակից, կամ ավելի ճիշտ` ինչպես մեզ հետ զրույցում ընդգծեց ՀՀ նախկին վարչապետ Հրանտ Բագրատյանը, ,ոչ մի բանով նման չէ կառավարության առաջարկածինե, ակնհայտ է: Հարցին, թե եթե իրենք գան իշխանության, ամբողջությամբ կփոխե՞ն այն համակարգը, որ ուզում են ներդնել գործող իշխանությունները, Հ.Բագրատյանը պատասխանեց. ,Իհարկե, կփոխենքե: Այսքանից հետո մեզ մնում է միայն արձանագրել, որ կառավարության ներկայացրած կենսաթոշակային բարեփոխումները ի սկզբանե դատապարտված են ձախողման, քանի որ դրա հաջող կիրառման ամենակարեւոր պայմանը` հնարավոր առավելագույն կոնսենսուսը, ապահովված չէ: