Երևանի «Զվարթնոց» օդանավակայանից իրականացվող Փարիզ-Երևան և Երևան-Փարիզ չվերթները բնականոն ընթացքի մեջ են. Փարիզում տեղի ունեցած ահաբեկչությունը, ինչպես նաև լարված վիճակը չեն ազդել օդային ուղիների վրա: Այս մասին «Առաջին լրատվական»-ին հայտնեցին Երևանի «Զվարթնոց» օդանավակայանից:
Հիշեցնենք, որ հունվարի 7-ին դիմակավորված անհայտ անձինք հարձակվել են Charlie Hebdo երգիծական շաբաթաթերթի խմբագրության վրա՝ սպանելով 12 և վիրավորելով 11 մարդու: Հանցագործության իրագործման մեջ կասկածվում են Սաիդ և Շերիֆ Քուաշի եղբայրները: Այդ դեպքից մեկ օր անց Փարիզի հարավում հարձակում են գործել ոստիկանների վրա, որի հետևանքով մեկ կին ոստիկան սպանվել է, ևս մեկ ոստիկան՝ վիրավորվել: Այս պահին իրավիճակը շարունակում է լարված մնալ: