Microsoft ընկերությունը, որը պայքարում է, որ իր հաճախորդները չօգտվեն Windows-ի հին տարբերակներից և անցում կատարեն Windows 7 օպերացիոն համակարգին, պատրաստվում է նոր` Windows 8 օպերացիոն համակարգի գործարկմանը:
Մասնագետները կարծում էին, որ նոր օպերացիոն համակարգը կթողարկվի 2012թ.-ից ոչ շուտ:
Ինչպես փոխանցում է CNN գործակալությունը, ընկերությունն արդեն նոր օպերացիոն համակարգի թեստային տարբերակներն ուղարկել է համակարգիչների խոշորագույն արտադրողներին:
Միևնույն ժամանակ այս տեղեկությունը ընկերությունում չեն մեկնաբանում:
Microsoft-ը Windows 8 օպերացիոն համակարգի ստեղծումն սկսեց յոթերորդ սերնդի համակարգի գործարկումից անմիջապես հետո: Համակարգի նորացման անհրաժեշտությունը կապված է նրա հետ, որ ներկայումս համակարգչային սարքերի ապրում են մեծ առաջընթաց:
Պաշտոնական տվյալներով այս օպերացիոն համակարգում կընդլայնվի հարակից ծրագրերի ցանկը, մասնավորապես, կհայտնվեն ARM հենքի վրա ստեղծված պրոցեսորներ: Ըստ չճշտված տեղեկությունների Windows 8 կներակայացնի ձայնային հրամանների համակարգը: Վերլուծաբանները կարծում էին, որ ընկերությունը մեծ ուշադրություն կդարձնի էներգաօգտագործման և էներգաէֆեկտիվության վրա:
Միևնույն ժամանակ մասնագետները նշում են, որ Microsoft-ի օպերացիոն «հին» տարբերակները դեռ շարունակում են մեծ հեղինակություն վայելել աշխարհում շատ օգտագործողների մոտ: Մասնագետները կարծում են, որ նոր օպերացիոն համակարգի ներմուծմամբ Microsoft ընկերությունը կարող է կանգնել խնդիրների առջև: Ներկա պահին ընկերությունը փորձում է իր հաճախորդներին համոզել հրաժարվել Internet Explorer 6-ն օգտագործելուց: Դրա համար Microsoft-ը գործարկել է «Ազատում ենք աշխարհը հին Explorer 6-ից» կայքը, որը հետևելու է հին բրաուզերը նորով փոխարինելու ընթացքին մինչև նրա օգտագործողների մասնաբաժինն ընդահուր շուկայում չկազմի 1%:
2011թ.-ի փետրվարի տվյալներով Internet Explorer 6-ն օգտագործողների թիվն աշխարհում կազմում է 12%, իսկ Չինաստանում այն հասել է ռեկրոդային 34%-ի: