InterPressNews-ը հայտնում է, որ Աբխազիայի տարածքից Վրաստանի տարածք են անցել 20 աբխազներ: Այս մասին լրագրողներին հայտնել են Զուգդիդիի բնակիչները: Բնակչության տեղեկություններով, մի քանի աբխազական ընտանքներ շրջանցիկ ճանապարհներով անցել են Զուգդիդիի շրջան: Փախստականների մեծ մասը Սուխումիից, Գագրաայից եւ Գուդաուտայից են: Նրանց մեջ կանայք եւ երեխաներ կան: Այդ քայլի պատճառը Աբխազիայում ստեղծված ծանր իրավիճակն է եւ դժվար պայմանները:
Էթնիկ աբխազները Վրաստանի տարածք սկսել են տեղափոխվել դեռ անցած տարվա վերջից: Այս պահին Վրաստանի տարածքում են արդեն քսան ընտանիք: Նրանց մեծամասնությունը բնակեցված են մի շենքում, որը գտնվում է Լիլո ավանում: