Թալինի Դավիթաշեն գյուղի բնակիչների մեծ մասը Նոր տարին «նիսյա»-ով են դիմավորում: Եվ միևնույն ժամանակ դեռևս դեկտեմբերի 27-28-ին չեն շտապում գնումների: Գյուղի միակ խանութի խանութպանը ցույց է տալիս պարտքացուցակը և նշում, որ գյուղացիների համար պարտքով առևտուր անելն ապրելակերպ է դարձել: Տարեսկզբին առևտուր են անում և տարեվերջին նոր միայն փակում են: Առևտրի անկումն էլ հիմնականում կապված է գնաճի, ռուբլու կուրսի անկման հետ:
Մի բան է միայն լավ, որ քաղաքի թանկացումները գյուղ չեն հասնում: Այն օրերին, երբ քաղաքում շաքարավազը 7-8 հարյուր դրամով էր վաճառվում, Դավիթաշեն գյուղի խանութում նախկին գինն էր:
Խանութպանի ամանորյա բարեմաղթանքը ևս իր գործունեության կոնտեքստում է: «Մաղթում եմ, որ 2015-ին դոլարային տատանումներ չլինեն, ժողովրդի ֆինանսական վիճակը կայուն լինի, մարդիկ կայուն աշխատանք ունենան: Ու ոնց որ ասում են՝ ժողովուրդի վիճակն ինչքան լավ լինի, խանութների գործն էլ լավ կլինի»:
Առավել մանրամասն՝ տեսանյութում։