«Քաղսիում Ամանորը ընտանիքի հետ անցկացնելու համար արտերկրից վերադարձել է շուրջ 200 տղամարդ»,- «Առաջին լրատվական»-ի հետ զրույցում ասաց համայնքի ղեկավար Սահակ Ալեքսանյանը՝ հավելելով, որ գյուղում Ամանորին համախմբվում են:
«Մեզ մոտ Նոր տարին դիմավորում են ժամը 18:00-ից: Հավաքվում ենք գյուղապետարանի մոտ, այնուհետ՝ գյուղի տոնածառի, որտեղ երեխաների ամանորյա հանդեսն է, ճոխությունը պարտադիր չէ. կարևորը լի սրտով նշելն է»,- ասաց համայնքի ղեկավարը: Նա նկատեց, որ 2015 թվականի համար կարևորում են այն, որ գյուղատնտեսական տարին առատ լինի:
Բնակիչներն էլ ընդգծեցին, որ գյուղացին 11 ամիս աշխատում է ու հետո աշխատածը Նոր տարին նշելու համար ծախսում. «Հավատում ենք՝ տարին ոնց դիմավորես, ընենց կգնա, մեկը ճոխ է նշում, մեկը՝ համեստ, ոնց կարա, պարտքեր էլ են կուտակվում»:
Իսկ համայնքի երեխաները մեզ հետ զրույցում ասացին, որ Ձմեռ պապուց խնդրել են կախարդական փայտիկ, ֆուտբոլի դաշտ, հեռախոս……
