Ինչպես հայտնել են Ղազախստանի արտգործնախարարությունից, ԵԱՀԿ անդամ երկրների նախագահներ եւ վարչապետներ կմասնակցեն ԵԱՀԿ գագաթաժողովին, որը կկայանա դեկտեմբերից մեկից երկուսը Ղազախստանի մայրաքաղաք Աստանայում:
Գագաթաժողովին կմասնակցեն նաեւ միջազգային վեց կառույցների ղեկավարներ:
«Այս պահին 48 երկրների ղեկավարներ եւ վարչապետներ, ինչպես նաեւ 6 միջազգային խոշոր կազմակերպություններ հաստատել են իրենց մասնակցությունը գագաթաժողովին»,-այս մասին հինգշաբթի ասել է Ղազախստանի փոխարտգործնախարար Ժիգալովը` մասնակցելով ղազախա-ավստրիական միջկառավարական հանձնաժողովի նիստին:
