Ֆրանսիայի ֆուտբոլի ազգային հավաքականի նախկին գլխավոր մարզիչ Ռայմոն Դոմենեկը ֆուտբոլի ֆեդերացիայից պահանջում է 2,9 մլն. եվրո փոխհատուցում` աշխարհի առաջնությունից հետո իրեն աշխատանքից ազատելու համար:
Դոմենեկի պայմանագիրն ավարտվում էր հենց աշխարհի առաջնությունից հետո, բայց նրան դուր չեկավ, թե ինչպես է ֆեդերացիան վարվել իր հետ:
«Դոմենեկը զարմացած էր ֆեդերացիայի ընդունած որոշումից, որի համաձայն` ֆեդերացիան միայն Դոմենեկին էր մեղադրում ֆրանսիացիների անհաջողությունների համար»,- հայտարարել է Դոմենեկի իրավաբան Ժան-Իվ Կոնեսոնը: Նա նշել է նաեւ, որ նկատի ունենալով ծանր պայմանները եւ իր հաճախորդի հեղինակությունը` իրենք անպայման պահանջելու են այդ գումարը, որը կազմում է 2.9 մլն. եվրո»: