Քաղաքագետների միության նախագահ Հմայակ Հովհաննիսյանը հայտարարեց, որ ամեն անգամ ընտրություններից հետո ստեղծվում է ճգնաժամային վիճակ, քանի որ դիտորդները գալիս-գնում են, եզրակացություններ ներկայացնում, իսկ իրականում ոչինչ չի փոխվում: Ըստ քաղաքագետի` ընտրությունները չեն կարող դառնալ համակարգային փոփոխությունների պատճառ, բայց կարող են դառնալ համակարգային փոփոխությունների առիթ: Իսկ այդպիսի փոփոխությունների հնարավորություն, ըստ Հմայակ Հովհաննիսյանի, եղել է 1996, 1998, 2003, 2008 թվականներին: