«Օսկար» մրցանակի «Օտար լեզվով լավագույն ֆիլմ» անվանակարգում հավակնորդների շարքում են երկու վրացական ֆիլմեր: Այս մասին հաղորդում է Gruzia Onlin-ը: Դրանք են ռեժիսոր Գեորգի Օվաշվիլիի «Եգիպտացորենի կղզին» և Զազա Ուրուշաձեի «Մանդարիններ» վրաց-էստոնական արտադրության ֆիլմերը, որոնք «Օսկարի» է ներկայացրել Էստոնիան:
«Օսկարի» պաշտոնական կայքի տվյալներով՝ Ամերիկյան կինոակադեմիան օտարալեզու 83 ֆիլմերից ընտրել է ինը: «Օտար լեզվով լավագույն ֆիլմ» անվանակարգի վերջնական ցուցակում կընդգրկվեն 5 ֆիլմեր:
Մրցանակի հավակնորդների շարքում են նաև արգենտինական Wild Tales, մավրիտանական Timbuktu, հոլանդական Accused, լեհական Ida, ռուսական Leviathan, շվեդական Force Majeure և վենեսուելական The Liberator ֆիլմերը:
Հավակնորդների վերջնական ցուցակը հայտնի կդառնա 2015թ.-ի հունվարի 15-ին: «Օսկարի» 87-րդ մրցանակաբաշխությունը կկայանա փետրվարի 22-ին: