«Ես կարծում եմ, որ իսկապես սպեկուլյացիա է եղել: Իսկ չափերի ու պատճառների մասին կարծում եմ՝ հիմա դեռ վաղ է խոսելը»,- «Առաջին լրատվական»-ի հետ զրույցում ասաց ԱԺ Հանրապետական խմբակցության պատգամավոր Լեռնիկ Ալեքսանյանը՝ անդրադառնալով վերջին օրերին դոլարի փոխարժեքի կտրուկ բարձրացմանն ու կտրուկ անկմանը:
Նրա խոսքերով, սակայն, դոլարի բարձրացման պատճառը միայն սպեկուլյացիան չէր, և սպեկուլյացիան տեղի ունեցավ բանկերի «ներքին օղակների» կողմից: «Հիմնական պատճառը ՌԴ-ում տեղի ունեցած գործընթացների ազդեցությունն էր: Ազդեցություն ունեցավ նաև խուճապը, և դա օգտագործվեց որոշ մարդկանց՝ բանկերի աշխատողների, փոխանակման կետերի, ինչպես նաև նրանց հետ կապված որոշ տնտեսվարողների կողմից»,- ասում է Լ. Ալեքսանյանը:
Պատգամավորը, սակայն, հերքում է, թե այդ սպեկուլյացիայի հետ կապ ունեն իշխանությունները՝ նախագահի, վարչապետի կամ Կենտրոնական բանկի նախագահի մակարդակով:
