Եթե ձեզ թվում է, թե սպեկուլյացիաների վերացումը կամ գնաճի վերացումը օդից եղավ կամ ընդդիմադիր գործընկերներն արեցին, չարաչար սխալվում եք, դա չէր լինի, եթե Նախագահի հետևողական գործունեությունը չլիներ: Այս մասին այսօր ՀՀԿ ԳՄ նիստից հետո լրագրողների հետ զրույցում ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը` պատասխանելով հարցին, թե այս օրերին ինչու նախագահ Սերժ Սարգսյանը ելույթ չունեցավ:
Շարմազանովը նշեց, որ անկախ նրանից, թե ով է սպեկուլյացիաների հեղինակը, դա խստորեն դատապարտելի է: «Կան համապատասխան իրավաբանական մարմիներ, կզբաղվեն դրանով, որովհետև չի կարելի խուճապի ժամանակ, երբ ժողովուրդը վատ վիճակում է, շահույթն ավելացնել»,-ասաց նա:
