Գերմանիայի Դորտմունդ քաղաքում ավարտվեց ըմբշամարտի Եվրոպայի առաջնությունը: Առաջին երկու օրերին գորգ դուրս եկան տղամարդկանց ազատ ոճի ըմբիշները, որոնց պայքարի արդյունքում Հայաստանի հավաքականը զբաղեցրեց 6-րդ հորիզոնականը:
Այս ոճում Հայաստանի հավաքականի միակ մեդալը նվաճեց Մուսա Մուրթազալիևը, ով եզրափակիչում պարտվեց ռուս Դենիս Յարգուշին: Ազատ ոճի թիմային պայքարում հաղթող ճանաչվեց Ռուսաստանի հավաքականը` 4 ոսկե, 1 արծաթե, 1 բրոնզե մեդալ: Երկրորդ տեղը զբաղեցրեց Ադրբեջանի հավաքականը` 2 ոսկե, 3 բրոնզե մեդալներով: Երրորդը` 1 ոսկե մեդալով Թուրքիայի հավաքականն էր:
Հունահռոմեական ոճի ըմբիշների պայքարում Հայաստանի ընտրանին զբաղեցրեց 2-րդ հորիզոնականը` զիջելով միայն ռուսներին: Հայաստանի հավաքականի կազմում մեդալներ նվաճեցին ` Ռոման Ամոյանը` ոսկե (55 կգ.), Արթուր Ալեքսանյանը` արծաթե (96 կգ.), Յուրի Պատրիկեևը` բրոնզե (120 կգ) և Արթուր Շահինյանը` բրոնզե (74 կգ): Հունահռոմեական ոճի ըմբշամարտի Եվրոպայի առաջնության թիմային պայքարում առաջին եռյակն ունի հետևյալ տեսքը.
1.Ռուսաստան` 2 ոսկե, 1 արծաթե, 1 բրոնզե մեդալ:
2.Հայաստան` 1 ոսկե, 1 արծաթե, 2 բրոնզե մեդալ:
3. Ուկրաինա` ` 1 ոսկե, 1 արծաթե մեդալ: