ԱՄՆ-ում և Մեծ Բրիտանիայում Facebook սոցցանցի օգտատերերի թիվը անցած տարվա դեկտեմբերին լրջորեն կրճատվել է` գրում է MarketWatch-ը:
Այսպես. ԱՄՆ-ում ակտիվ օգտատերերի թիվը նվազել է 670 հազարով, իսկ Մեծ Բրիտանիայում՝ գրեթե 1 մլն-ով:
Մի շարք փորձագետներ կարծում են, որ սոցցանցում օգտատերերի ակտիվության նվազումը նորմալ երևույթ է և կապված է սուրբծննդյան տոների հետ, ինչի պատճառով օգտատերերը հազվադեպ են մտնում Facebook:
Ընդհանուր առմամբ՝ Մեծ Բրիտանիայում անկումը կազմել է 2.88%:
Մեծ Բրիտանիան մտնում է այն երկրների թոփ վեցյակի մեջ, որոնք ունեն սոցցանցում ակտիվ օգտատերերի մեծ թիվ՝ 33 մլն:
Facebook-ը առավել շատ թվով օգտատերեր ունի ԱՄՆ-ում՝ 169 մլն մարդ, երկրորդ տեղում Բրազիլիան է` 65 մլն, ապա Հնդկաստանը՝ 62 մլն:
