Թուրքիայի վարչապետ Ռեջեփ Թայիփ Էրդողանը Կոսովո կատարած այցի ընթացքում հայտարարել է, որ Անկարան պատրաստ է օժանդակել Բելգրադի եւ Պրիշտինայի միջեւ երկխոսությանը: Այդ մասին տեղեկատվություն է հրապարակել Կոսովոյի ռադիոն: Էրդողանը Պրիշտինայում բանակցություններ է վարել Կոսովոյի վարչապետի պաշտոնակատար Հաշիմ Թաչիի հետ: Թուրքիայի վարչապետի այցը տեղի Է ունեցել քաղաքական ճգնաժամի պայմաններում Կոսովոյի կառավարության պաշտոնաթողությունից հետո: Կոսովոյի խորհրդարանը երեքշաբթի անվստահություն էր հայտնել Թաչիի կաբինետին: «Մենք պատրաստ ենք անհրաժեշտ ամեն ինչ անել Կոսովոյի եւ Սերբիայի երկխոսության համար, ինչը կնպաստի Բալկանների կայունությանն ու անվտանգությանը»,-ասել է Էրդողանը Պրիշտինայում կայացած մամուլի ասուլիսում: Թուրքիայի վարչապետը կարծիք է հայտնել, որ Կոսովոյի անկախության ճանաչման գործընթացը կվերսկսվի Բելգրադի ու Պրիշտինայի միջեւ բանակցությունների սկսվելուց հետո: Իր հերթին Թաչին նշել Է, որ Թուրքիան կարեւոր դեր Է խաղում Սերբիայի եւ Կոսովոյի միջեւ հարաբերությունների նոր փուլի հաստատման գործում:
