Թեև անհավանական կհնչի, սակայն Ազգային վիճակագրական ծառայության վիճակագրական տվյալների համաձայն` 2010թ.-ի հունվարի 1-ի դրությամբ Հայաստանում զբաղվածության ամենամեծ մասնաբաժինն ունեցել է գյուղատնտեսական ոլորտը (40.9%): Հիմնավորելով, որ ԽՍՀՄ փլուզումից հետո` անցումային ժամանակաշրջանում, լայն տարածում ստացավ պետական հողերի սեփականաշնորհումը և արդյունաբերական կազմակերպությունների լուծարումը, որը դարձավ ցածրարտադրողական գյուղատնտեսական գործունեության ակտիվացման պատճառ: Այս դեպքում հարց է առաջանում, թե Սերժ Սարգսյանը ինչո՞ւ է գյուղատնտեսության ոլորտը խառնել իրար և պետական ապարատի բարձրաստիճան պաշտոնյաներին գցել գյուղի «քուչեքը»։
Ինչևէ, զբաղվածության առավել մեծ տեսակարար կշռով հաջորդ ոլորտներն են եղել
արդյունաբերությունը (9.6%), կրթությունը (9.1%) և մանրամեծածախ առևտուրը (8.2%):
Հարկ է նշել, որ 2009թ.-ի հունվարի 1-ի ցուցանիշի համեմատ, արձանագրվել է 1.1% աճ գյուղատնտեսության ոլորտում և 12.0% անկում` արդյունաբերության ոլորտում:
Աշխատուժի նման վերաբաշխման ամենահավանական պատճառը, թերևս,
ֆինանսատնտեսական ճգնաժամով պայմանավորված աշխատատեղերի կրճատումն է, կազմակերպությունների լուծարումը, աշխատանքից ազատման դեպքերը և հարկադիր պարապուրդները: Հայաստանում, փաստորեն, տնտեսական ճգնաժամի նկատմամբ ամենախոցելի ոլորտներից մեկը եղել է արդյունաբերությունը: