Պաղեստինի ազգային ադմինիստրացիայի ղեկավար Մահմուդ Աբբասն այսօր առավոտյան հայտարարել է, որ Իսրայելի եւ Պաղեստինի միջեւ խաղաղ գործընթացի կասեցման մեջ մեղավոր է Իրանը: Այս մասին հաղորդում է MIGnews-ը:
«Պաղեստինա-իսրայելյան երկխոսության տորպեդահարման մեջ մեղավոր են իրանական հիտադիմական ուժերը, որոնց ձեռնտու չէ խաղաղությունը մեր հողում: Թեհրանը օգտագործում է Համասն ու Հիզբոլլահին, որպեսզի խաղաղության գործընթացը գործընթացը վերածեն ֆարսի»,- ասել է անանուն մի աղբյուր` հղում անելով Աբու Մազենի գրասենյակին: Իր հերթին Աբբասը քուվեյթյան թերթին տված հարցազրույցում հայտնել է, որ «անհրաժեշտ է գտնել լուծում վիճելի կետերի շուրջ եւ կազմել շրջանակային պայմանագիր ինչպես հնարավոր է արագ հարատեւ կարգավորման հասնելու համար»:
Միաժամանակ Պաղեստինի ղեկավարը նշել է, որ գնալու է մինչեւ վերջ, իսկ նրա շրջապատում ասում են, որ եթե Իսրայելը շարունակի անհանդուրժողականության այս քաղաքականությունը, Աբբասը հրաժարական կտա: