Ֆրանսիական «Յառաջի» փոխանցմամբ՝ Թուրքիա-Ալբանիա միջխորհրդարանական բարեկամության խմբի նախագահ, «Արդարություն և բարգավաճում» կուսակցությունից պատգամավոր Ռիֆաթ Սայիդը, գնահատելով Մակեդոնիա և Ալբանիա իր կատարած այցելությունները, հայտարարել է, որ 2015-ին, երբ միջազգային օրակարգ պիտի մտնի Հայոց ցեղասպանության ճանաչման հարցը, Թուրքիան կստանա Մակեդոնիայի աջակցությունը: Նա ակնարկել է Մակեդոնիա և Ալբանիա իր կատարած այցելությունների դրական անդրադարձերը և մասնավորապես խոսելով Մակեդոնիայի մասին՝ ասել է, որ իրենց պատվիրակությունը հյուրընկալվել է նախագահական նստավայրում, խորհրդարանում և Թուրքիա-Մակեդոնիա առևտրական-արդյունաբերական պալատում:
«Մենք մեր ցանկությունը հայտնեցինք, որ Մակեդոնիան սատարի Թուրքիային, և մակեդոնական իշխանությունները համակարծիք են մեզ հետ։ Այսինքն՝ Մակեդոնիան այդ հարցում լիովին կաջակցի Թուրքիային»,- ասել է թուրք պատգամավորը: