Առաջիկա երկու-երեք տարում Վրաստանը կարող Է ավելի քան 500 մլն դոլար գումարի ներդրումներ ներգրավել Հնդկաստանից ու Չինաստանից, այս մասին հանրապետության վարչապետ Նիկոլոզ Գիլաուրին հայտարարել Է կառավարության չորեքշաբթի օրվա նիստում՝ ամփոփելով Հնդկաստան ու Չինաստան կատարած այցերի արդյունքները: «Մենք ենթադրում ենք, որ այդ այցերի արդյունքում հնարավոր Է առաջիկա երկու-երեք տարվա ընթացքում ավելի քան կես մլրդ դոլար ներգրավել Վրաստան»,-ասել Է Գիլաուրին: Նրա խոսքով, վերլուծելով 2009-2010թթ. Արդյունքները` պարզվել Է, որ ամենաաճող էկոնոմիկան եւ ամենակայունը Հնդկաստանում է եւ Չինաստանում, հենց այդ երկրներում է կենտրոնացված ամենամեծ ներդրումային կապիտալը: «Ահա թե ինչու մենք պարտադիր համարեցինք այցն այդ երկու երկրներ, որպեսզի լրացուցիչ ներդրումային միջոցներ գտնենք Վրաստան ներգրավելու համար: Մենք ինչպես Հնդկաստանում, այնպես էլ Չինաստանում հանդիպեցինք մեծ թվով ընկերությունների ղեկավարների հետ»,-հայտարարել Է վարչապետը: «Մենք ունենք մի քանի ռեալ նախագծեր, որոնց շուրջ բանակցություններ ենք սկսել Հնդկաստանի եւ Չինաստանի ներդրողների հետ կամ տասից ավելի նախագծեր, այդ թվում՝ նոր նավահանգստի, հսկայական առեւտրական կենտրոնի, նոր մետալուրգիական գործարանի շինարարություն»,-ասել է Գիլաուրին: Վարչապետի խոսքով՝ այժմ անհրաժեշտ Է, որ Էկոնոմիկայի նախարարությունը եւ դեսպանություններն ինտենսիվորեն աշխատեն այդ ներդրողների հետ, որպեսզի այդ նախագծերն իրացվեն, եւ Վրաստանում ներդրումներ կատարվեն:
