Գերմանացի զինծառայողները ուսումնասիրում են Թուրքիայի Ղահրամանմարաշ շրջանում Patriot զենիթա-հրթիռային համալիրներ տեղադրելու պայմանները։ Շրջանը գտնվում է երկրի հարավ-արևելքում։
Համալիրի տեղադրումը պայմանավորված է ՆԱՏՕ-ի որոշմամբ` կապված Սիրիայի հրթիռային հնարավոր հարվածներից պաշտպանվելու հետ։
Գերմանական պատվիրակությունը արդեն այցելել է «Ղազի» ռազմաբազա։
Իրաքի 1991-ի և 2003-ի պատերազմների ժամանակ ՆԱՏՕ-ն Թուրքիայի տարածքում տեղադրել էր Patriot զենիթա-հրթիռային համալիրներ, սակայն դրանք չեն կիրառվել։
Անկարան կոշտ քննադատության է ենթարկում Բաշար Ասադի ռեժիմին։ Ներկայումս Թուրքիայի տարածքում ապաստան են գտել 150 000 սիրիացի փախստականներ։
