«Ես դատապարտում եմ յուրաքանչյուր քայլ՝ ուղղված մարդու իրավունքների ոտնահարմանը, ինչը շատ մտահոգիչ է». այս մասին մեզ հետ զրույցում նշեց «Հայաստանի երիտասարդ իրավաբանների ասոցիացիա» ՀԿ նախագահ Կարեն Զադոյանը՝ անդրադառնալով այն փաստին, որ վերջին 2 օրում Երևանում մեկը մյուսի հետևից հրկիզվեցին «Նախախորհրդարանի» անդամների մեքենաները և դաժան ծեծի ենթարկվեց քաղաքացիական մի ակտիվիստ:
«Իրավապահ մարմինները շատ կարճ ժամանակահատվածում պետք է միջոցներ ձեռնարկեն կատարողներին հայտնաբերելու և ՀՀ օրենսդրությամբ պատասխանատվության միջոցներ կիրառելու ուղղությամբ: Նաև ոստիկանությունը պետք է կանխարգելիչ դեր ունենա, որպեսզի մարդու իրավունքների նման խախտումները Հայաստանում տեղ չունենան»,- ասաց նա:
Հարցին՝ ինչի՞ կարող են հանգեցնել այս դեպքերը, նա պատասխանեց. «Դժվարանում եմ ասել, թե ինչի կարող է հանգեցնել, բայց մի բան հստակ է, որ իրավական և ժողովրդավարական ուղի որդեգրած երկրի համար դա անպատվաբեր ու ամոթալի է: Նման դեպքերը պետք է դատապարտվեն հենց մեր ղեկավարության՝ իշխանությունների կողմից, նաև միջոցներ ձեռնարկվեն պատասխանատուներին հայտնաբերելու և պատասխանատվության ենթարկելու համար»:
Ավելին՝ տեսանյութում:
