Christie’s աճուրդի տունը Ամադեո Մոդիլյանիի Ժաննա Էբյութերնի դիմանկարը գնահատել է 25.6-35.2 միլիոն դոլար:
Ինչպես հաղորդում է աճուրդի կայքը, կտավում պատկերված է նկարչի սիրեցյալը:
Կտավը իմպրեսիոնիստների և մոդեռնիստների արվեստի աճուրդի թոփ-լոթն է: Աճուրդը կայանալու է փետրվարի 6-ին և ընդհանուր առմամբ կարող է բերել 237 միլիոն դոլար:
Կտավն աճուրդի է հանել Նյու Յորքից մի կոլեկցիոներ, որն այն գնել էր 2006թ. 26 միլիոն դոլարով Sotheby’s-ում կայացած աճուրդում:
Christie’s-ում աճուրդի են հանվելու նաև Անրի Մատիսի և Պաբլո Պիկասոյի աշխատանքները:
Նշենք, որ Ամադեո Մոդիլյանին Ժաննա Էբյութերնի հետ ծանոթացել է 1917թ. գարնանը, որից հետ նրանց միջև սիրավեպ է սկսվել: Նրանք միասին են եղել երեք տարի և ունեցել են մեկ աղջիկ: Նկարիչը մահացել է 1920թ. հունվարի 24-ին, իսկ հաջորդ օրը Ժաննա Էբյութերնը, որը հղի էր, նետվել է պատուհանից:
