Մադրիդի «Ռեալ»-ի հարձակվող Գոնսալո Իգուաինը հուսով է, որ ազգային առաջնության 19-րդ տուրի շրջանակներում կայանալիք «Օսասունա»-ի դեմ հանդիպմանը խաղադաշտ դուրս կգա հիմնական կազմում:
«Այժմ ես ինձ շատ լավ եմ զգում: Այս երկու ամիսները շատ բարդ էին ինձ համար: Սակայն եթե մարզիչը նպատակահարմար գտնի, ես պատրաստ եմ խաղալ 90 րոպե: Ֆուտբոլիստն ապրում է գոլով, և Աստված տա, որ ինձ հաջողվի գոլ խփել այս խաղում»,- Իգուաինի խոսքերը մեջբերում են իսպանական լրատվամիջոցները:
Բացի այդ` հարձակվողը հայտնել է «Ռեալ»-ի հեռանկարների մասին :
«Մենք կարծում ենք, որ կարող ենք Չեմպիոնների Լիգայի հաղթող դառնալ: Չեմպիոնների Լիգայի գավաթի խաղարկությունն անչափ կարևոր մրցաշար է, և մենք այն հաղթելու մեծ ցանկություն ունենք»,- ասել է ֆուտբոլիստը:
