Դոլարի վերջին օրերի թանկացումն արդեն իսկ իր անդրադարձն ունեցել է շուկայում: Այսօր արդեն շուկայում թանկացել է ներկրվող ամեն ինչ՝ հատկապես ընդեղենը՝ հնդկական ընկույզը, պնդուկը, նուշը, չամիչը և այլ ապրանքներ: Շուկայի վաճառողներից շատերն 500 դրամի չափով վերայել էին գները, շատերն էլ պատրաստվում էին վերանայել առաջիկայում, բայց արդեն 1000 դրամի չափով: Ոմանք մտավախություն ունեին, որ այդ դեպքում գնորդ չեն ունենա, ոմանք էլ վստահ էին՝ Ամանոր է, ուզած-չուզած կգնեն:
«Դոլարի թանկացումից հետո չենք կարում թանկացնենք, քանի որ առանց այդ էլ գնորդ չկա, ժողովուրդը չի առնում: Եթե թանկացնենք, ապա դոլարով ներկրված ամեն ինչ մոտ մի 1000 դրամով պետք ա բարձրացնենք»,- ասաց Երևանյան շուկաներից մեկի վաճառողը:
Մեկ ուրիշն էլ վստահ պնդում էր, որ թանկացում չի սպասվում, քանի որ հենց հիմա արդեն ապրանքը շատ թանկ է: Դոլարի բարձրացումն էլ չի ազդի ապրանքների գնի վրա, քանի որ առանց այդ էլ գնորդ չկա: Եթե ավելի թանկ վաճառվի, ապա ապրանքը կմնա պահեստում:
Շուկայում ամենաթանկ ապրանքի՝ տեղական ընկույզի գինը, սակայն, կապ չուներ ոչ դոլարի թանկացման, ոչ էլ ներկրման հետ: Պարզապես այս տարի եղանակային պայմանների պատճառով քիչ է եղել, դրա համար էլ 1 կիլոգրամ ընկույզը վաճառվում էր 12 հազար դրամով, իսկ Ամանորին, վաճառողների խոսքով, գուցե վաճառվի մինչը 15 հազար դրամով:
Առավել մանրամասն՝ տեսանյութում։
