Ինչպես հայտնի է, փողոցային առևտուրը վերացնելու մասին օրենքը 2007թ.-ին է հաստատվել։ Այնինչ Երևանի քաղաքապետը այսօր է փորձում այդ օրենքին ուժ տալ։ Հետևաբար ՀՅԴ ԱԺ պատգամավոր Արծվիկ Մինասյանը հարց ուղղեց, թե այս ընթացքում ինչո՞վ էին զբաղված տեղական ինքնակառավարման մարմինների ղեկավարները, որոնք այսօր քաղաքապետարանի պահանջն են կատարում։ Այս դեպքում նրանք ի՞նչ պատասխանատվության պետք է ենթարկվեին օրենքը չկատարելու համար։
«Ցանկանում եմ ասել, որ որևէ ձևով պետք չէ թաքնվել այդ օրենքի հետևում։ Այս օրենքը ամբողջ Հայաստանի մասին է։ Հարգելի քաղաքապետարան, դուք այս գործողությամբ հիմա հրապարակավ ամբողջ տեղական իշխանությանն ու երկրին, որոնց վրա է դրված օրենքի պահանջի կատարումը, ինչը վարչական իրավախախտում է համարվում, անգործության մեջ եք մեղադրում։ Վերջինս էլ իր հերթին քրեական հանցագործություն է։ Հույս ունեմ, որ ո՛չ Երևանի քաղաքապետարանը, ո՛չ էլ կառավարությունը ցանկություն չունեն նման մեղադրանք ներկայացնելու երկրի իշխանություններին»,- ավելացրեց Արծվիկ Մինասյանը։
