Ժամանակ առ ժամանակ լույս աշխարհ են գալիս բոլորից տարբերվող մարդիկ: Նրանց հաճախ անճոռնի են անվանում, սակայն դա չի խանգարում, որ նրանք փորձեն նորմալ կյանքով ապրել, գրում է Bigpicutre.ru-ն:
1. Էլլա Հարփերը հայտնի էր որպես «մարդ-ուղտ»: Բանն այն է, որ նա տառապում էր օրթոպեդիկ արատով, որի հետևանքով նրա ոտքերը հետ էին շրջված: Աղջիկը ստիպված էր չորեքթաթ քայլել: Ամբողջ կյանքում նա աշխատել է կրկեսում:
2. «Մեծ ոտքերով աղջիկ» անունն ստացած Ֆենի Միլսի անոմալիան կոչվում է Միլրոյի հիվանդություն կամ լիմֆոստազ, որը լիմֆատիկ համակարգի բնածին հիվանդություն է:
3. «Ֆրանսիացի հրեշտակ» Մորիս Թիլեթի մոտ դեռ դեռահասության տարիներին հայտնաբերվել է ակրոմեգալիա հիվանդությունը, որը կապված է մի շարք գործառույթների խանգարման հետ: Նա, սակայն, 1900-ականների բռնցքամարտի երկակի չեմպիոն է դարձել, իսկ 1940-ականներին՝ նաև կինոաստղ:
4. Ֆրենկ Լենտինին ծնվել է ամբողջապես գործող երրորդ ոտքով, որը հետևանք էր անհաջող ծնված սիամական երկվորյակի: Նա իր ողջ կյանքում աշխատել է կրկեսում, ամուսնացել և ունեցել երկու երեխա:
5. «Երկու իրան ունեցող մարդուն»` Ջին Լիբերային դեռևս մոր արգանդում միացել է սիամական երկվորյակը: Ջինի կրծքավանդակում բժիշկները նաև փոքրիկ`15 սմ շառավղով գլուխ են հայտնաբերել: Լիբերան իր երկվորյակին Ջեքս է անվանել: