ՀՀ կառավարությունը այսօրվա արտագնա նիստում որոշում է ընդունել անապահով ընտանիքներին մատակարարվող բնական գազի սակագնի մեղմացման միջոցառումների վերաբերյալ։
«ՀայՌուսգազարդ» ՓԲԸ-ին առաջարկվել է 2011թ. ապրիլի 1-ից մինչև 2012թ. մարտի 31-ն ընկած ժամանակահատվածում բնական գազ սպառող անապահով ընտանիքներից 300 խմ բնական գազի քանակության համար վճարումները գանձել ՀՀ հանրային ծառայությունները կարգավորող հանձնաժողովի հաստատած սակագնից նվազեցված գնով` ամսական մինչև 10 հազար խմ սպառման դեպքում` 1000 խորանարդ մետրի համար հարյուր դրամ (ներառյալ ԱԱՀ)։
Վարչապետ Տիգրան Սարգսյանի դիտարկմամբ` սույն որոշումից կօգտվի երկրի շուրջ 60 հազար անապահով ընտանիք, այն է` իրականություն կդառնա ՀՀ նախագահի ուղղակի հանձնարարականը։
Հիշեցնենք, սակայն, որ մինչ կառավարության այս որոշման ընդունումը «ՀայՌուսգազարդը» արդեն իսկ հայտարարել էր անապահով խավերի համար գազի սակագնի նվազեցման մասին` այն է`ամսական մինչև 300 խմ գազ սպառող ընտանիքները 1 խմ-ի համար վճարելու են 100 դրամ` գործող 132-ի փոխարեն:
